नेविसंघको प्रतिनिधि विवाद मिल्यो

२८,श्रावण – नेविसंघको निर्देशक समितिले महाधिवेशनको प्रतिनिधि विवाद मिलाएको छ । बिहीबार रातभर छलफल गरेपछि नयाँ कार्यसमिति निर्वाचनका क्रममा देखिएको प्रतिनिधि विवाद मिलाएको समितिले जनाएको छ ।

विवाद मिलेसँगै शुक्रबार दिउँसो नयाँ निर्वाचनमा सहभागी हुने मतदाताको नामावली प्रकाशन गर्ने नेविसंघको तयारी छ । यस्तै कार्यतालिका अनुसार निर्वाचनको काम अघि नबढेकाले चुनावको मिति एक दिन सर्ने भएको छ । शुक्रबार मतदाताको नामावलीसँगै चुनावको मिति पनि सार्वजनिक गरिने नेविसंघले जनाएको छ ।

९ वर्षपछि गएको आइतबार नेविसंघको ११ आैँ महाधिवेशनको उदघाटन भए पनि ११ जिल्लाको महाधिवेशन प्रतिनिधि विवाद लगायतका कारणले बन्दसत्र स्थगित हुँदै आएको छ I