बर्तमान सरकार चुनावमा धादली गर्न बनेको हो ; डा. भट्टराई

 ३०,श्रावण– पुर्ब प्रधानमन्त्री तथा नयाँ शक्ति नेपालका  संयोजक डा. बाबुराम भट्टराईले बर्तमान  सरकार  चुनाबमा धाँदली गर्नको लागि  बनेको आरोप लगाएका छन् |

शनिबार काठमांडौमा आयोजित नयाँ शक्ति पार्टी नेपाल केन्द्रीय सम्पर्क संयन्त्रको भाब सम्प्रेसण कार्यक्रममा बोल्दै डा. भट्टराईले भनेका छन् – "यो सरकारले मधेशी, आदिबाशी जनजातिको समस्या समाधान गर्ने भए ओली सरकारमा रहंदा नै गर्थ्यो, त्यसैले यो सरकार र गठबन्धनको एक मात्र उदेश्य चुनाबमा गएर सकेसम्म धाँदली गर्नु हो , तर यो सम्भब हुने वाला छैन |"

फरक प्रसंगमा बोल्दै डा. भट्टराईले भनेका छन् -"आज देशले मुख्य राजनीतिक कार्यभार मूलतः पुरा गरेकोले बाँकि रहेको आर्थिक कार्यभार पुरा गर्न नयाँ शक्ति एक मात्र बैकल्पिक  राजनीतिक शक्तिको रुपमा उदाएको हो |"

कार्यक्रममा नयाँ शक्ति नेपालका नेता तथा पूर्व अर्थ सचिब समेत रहेका रामेश्वर खनालले देशलाई ७ वर्ष , १५ वर्ष र ३० वर्षमा गरी एक समून्नत देश बनाउने खाका प्रस्तुत गरे |

त्यस्तै संगठन बिभाग प्रमुख देबेन्द्र पौडेलले हिजो हामीलाई फस्यौ भन्नेहरु आज सम्म आईपुग्दा उनीहरु नै फसेको र नयाँ शक्तिले देशभर नै आफ्नो सशक्त उपस्थिति जनाईरहेको बताए |