सलमानको बिबाह मिति भगवानलाई नै थाह छैन : सलिम खान

संचार माध्यममा उनका फ्यानहरुबीच बलिउड दबंग स्टार सलमान  खानको विवाहको मिति कहिले हो भन्ने चर्चा सधैं चलिरहन्छ। तर, सलमानका पिता सलिम खानले भने सलमानले कहिले विवाह गर्छन भन्ने कुरा भगवानलाई पनि थाहा नभएको बताएका छन्।

चर्चित स्क्रिप्ट राइटरसमेत रहेका सलिमले सलमानको विवाह  सम्बन्धमा आफूलाई धेरै प्रश्नहरु आउने गरेको र उक्त प्रश्नको जवाफ आफूसँग नभएको बताउँदै आएका थिए। हालै उनले एक टिव्ट गर्देै आफू एक रेडियो शो मा पहुनाका रुपमा जान लागेको र त्यहाँ सलमानको विवाह सम्बन्धी प्रश्न नसोध्न आग्रह गरेका हुन्।

उनले टिवट्मा भने, ‘सलमानले कहिले विवाह गर्छन् भनेर मलाई नसोध्नु होला किनभने भगवानलाई पनि सलमानले कहिले विवाह गर्छन् भन्ने थाहा छैन। तर तपाइँहरु मलाई अन्य प्रश्न भने सोध्न सक्नु हुनेछ।’