अमेरिकी पुलिस नियन्त्रण मा बलिवूड अभिनेता 'शाहरुख खान'

साउन २८ – बलिउड अभिनेता शाहरुख खान अमेरिकामा पक्राउ परेका छन् । शाहरुखलाई अमेरिकाको लस एन्जलसमा रहेको विमानस्थलबाट पक्राउ गरिएको हो । 

शाहरुखलाई अमेरिकाको इमिग्रेशन विभागले पक्राउ गरेको उनले ट्वीट मार्फत जानकारी दिएका छन् । उनले ट्वीट गरेका छन् ‘विश्व कस्तो छ भन्ने मलाई थाहा छ र यसको सुरक्षाको पनि म सम्मान गर्छु । तर हरेक पटक अमेरिका आउँदा इमिग्रेशन विभागले पक्राउ गर्दा निकै हैरान भएको छु ।’ 

एक अर्को ट्वीटमा उनले प्रहरी नियन्त्रणमा आफुले 'पोकेमोन गो' गेम खेलिरहेको बताएका छन् I

अमेरिकामा शाहरुख पक्राउ परेको यो पहिलो पटक भने होइन । सन् २०१२ मा न्युयोर्कको विमानस्थलबाट शाहरुखलाई पक्राउ गरिएको थियो । त्यसबेला उनलाई न्युयोर्क बिमानस्थलमा दुई घण्टा नियन्त्रण मा  राखिएको थियो ।